کراچی کے ایف بی ایریا میں باپ بیٹوں کے مقدس رشتے کو خون سے آلودہ کر دیا گیا، جب دو بیٹوں نے اپنے ہی باپ کو زندگی سے محروم کر دیا۔ والد کی لاش کو موٹر سائیکل پر لے جاتے ہوئے جب پولیس نے نوجوانوں کو روکا، تو انکشاف ہوا کہ وہ اپنے باپ کی لاش کو ٹھکانے لگانے جا رہے تھے۔
پولیس کے مطابق مقتول خاور انجم ایک حکیم تھے اور ان کا تعلق میرپور خاص سے تھا۔ دونوں بیٹوں نے ابتدائی تفتیش میں والد کی تند مزاجی کو قتل کی وجہ بتایا ہے۔
یہ واقعہ صرف ایک جرم نہیں بلکہ معاشرتی انحطاط اور خاندانی رشتوں میں بگاڑ کی بھی علامت بن گیا ہے۔ پولیس کا کہنا ہے کہ تحقیقات کا دائرہ وسیع کر دیا گیا ہے تاکہ حقائق مکمل طور پر سامنے لائے جا سکیں۔