رواں مالی سال کے پہلے چار ماہ: تجارتی خسارہ 14 ارب 63 کروڑ ڈالر تک پہنچ گیا، برآمدات اور درآمدات کے اعداد و شمار جاری

ملک میں مالی سال 2026-27 کے پہلے چار ماہ (جولائی تا اکتوبر 2026) کے دوران تجارتی خسارے میں نمایاں اضافہ ریکارڈ کیا گیا ہے، اور اس مدت کے دوران تجارتی خسارہ 14 ارب 63 کروڑ ڈالر تک جا پہنچا ہے۔

مجموعی برآمدات و درآمدات: مالی سال کے پہلے چار ماہ میں مجموعی برآمدات کا حجم 11 ارب 44 کروڑ ڈالر رہا، جبکہ اس دوران درآمدات 26 ارب ڈالر سے تجاوز کر گئیں۔

اکتوبر کے ماہانہ اعداد و شمار: صرف ماہ اکتوبر میں درآمدات 7 ارب ڈالر سے زائد رہیں، جبکہ برآمدات 2 ارب 94 کروڑ ڈالر ریکارڈ کی گئیں، جس کے نتیجے میں اکیلے اکتوبر کے مہینے میں تجارتی خسارہ 4 ارب 7 کروڑ ڈالر رہا.

ٹیکسٹائل برآمدات کی کارکردگی: مالی سال کے پہلے چار ماہ کے دوران مجموعی ٹیکسٹائل ایکسپورٹس کا حجم 6 ارب 66 کروڑ ڈالر ریکارڈ کیا گیا۔ ماہانہ لحاظ سے جولائی میں ایک ارب 83 کروڑ ڈالر، اگست میں ایک ارب 59 کروڑ ڈالر، ستمبر میں ایک ارب 70 کروڑ ڈالر اور اکتوبر میں ایک ارب 72 کروڑ ڈالر کی ٹیکسٹائل مصنوعات برآمد کی گئیں.