کراچی کی ایک خاتون، جنہیں بڑی آنت کے کینسر نے جگر تک جکڑ لیا تھا، آج نئی زندگی جی رہی ہیں اور اس کا سہرا جاتا ہے ان کے شوہر کو، جنہوں نے اپنا جگر عطیہ کر کے نہ صرف ایک طبی تاریخ رقم کی بلکہ محبت کی نئی مثال بھی قائم کی۔
شفا انٹرنیشنل اسپتال اسلام آباد میں ہونے والا یہ ٹرانسپلانٹ پاکستان میں اپنی نوعیت کا پہلا کامیاب آپریشن تھا، جس میں کینسر سے متاثرہ مکمل جگر نکال کر زندہ ڈونر کا جگر لگایا گیا۔
ڈاکٹرز کے مطابق یہ فیصلہ آسان نہیں تھا، مگر چونکہ کینسر صرف جگر تک محدود تھا، اس لیے یہ جراحی ممکن ہوئی۔
یہ صرف ایک طبی کامیابی نہیں، بلکہ ایک پیغام ہے—کہ جب سائنس، جذبہ اور قربانی ایک ساتھ ہوں، تو زندگی کو نئی راہیں ملتی ہیں۔