چیٹ بوٹ سے بات چیت، تنہائی کا احساس بڑھا سکتی ہے: ماہرین

چیٹ جی پی ٹی سے بات کرنا دماغ کو سست کر سکتا ہے؟ ایم آئی ٹی کی نئی تحقیق نے سب کو چونکا دیا! تحقیق کے مطابق جو لوگ چیٹ جی پی ٹی پر زیادہ انحصار کرتے ہیں، وہ وقت کے ساتھ ساتھ کم سوچنے لگتے ہیں، یادداشت کمزور ہوتی ہے اور توجہ بھی بٹنے لگتی ہے۔

تحقیق میں شامل افراد کو تین گروپس میں بانٹا گیا—ایک نے چیٹ جی پی ٹی سے مدد لی، دوسرے نے گوگل استعمال کیا، اور تیسرے نے خود سے مضامین لکھے۔ نتیجہ؟ چیٹ جی پی ٹی والے گروپ نے سب سے کم دماغی سرگرمی دکھائی۔

اور یہیں بات ختم نہیں ہوتی—مارچ میں کی گئی ایک اور تحقیق میں پتا چلا کہ جو لوگ چیٹ جی پی ٹی سے زیادہ بات کرتے ہیں، وہ تنہائی کا شکار ہونے لگتے ہیں، خاص طور پر جب وہ جذباتی موضوعات پر گفتگو کرتے ہیں۔ وائس موڈ میں یہ اثر کم ہوتا ہے، لیکن ٹیکسٹ پر بات کرنے والے زیادہ متاثر ہوتے ہیں۔