مشہور فلمی سیریز جولی ایل ایل بی کی تیسری قسط کا ٹریلر جاری کر دیا گیا ہے، جس میں پہلی بار اکشے کمار (جولی مشرا) اور ارشد وارثی (جولی تیاگی) ایک دوسرے کے خلاف عدالت میں آمنے سامنے نظر آئیں گے۔
فلم کا ٹریلر طنز، مزاح اور قانونی پیچیدگیوں سے بھرپور ہے، جس میں دونوں وکیل کردار ایک دوسرے کو نیچا دکھانے کی کوشش کرتے ہیں۔ جج تریپاتھی (سوربھ شکلا) ایک بار پھر عدالت میں موجود ہیں، مگر اس بار اُن کے سامنے دو جولی ہیں—یعنی دوگنا الجھن، دوگنا ہنسی۔
فلم میں ہما قریشی، امریتا راؤ اور گجراج راؤ بھی اہم کرداروں میں شامل ہیں۔ جولی ایل ایل بی 3 19 ستمبر 2025 کو سنیما گھروں میں ریلیز ہو گی۔
ہدایتکار سبھاش کپور نے اس بار بھی سماجی مسئلے کو مزاح کے ساتھ پیش کیا ہے، اور فلم میں کسانوں کے مقدمے کو مرکزی موضوع بنایا گیا ہے